ເມື່ອເຈີຄຳຖາມທີ່ຕອບ HR ບໍ່ໄດ້ເຮົາຈະເຮັດແນວໃດ?

ຕັ້ງສະຕິ ແລະ ຂໍເວລາຄິດ: ບໍ່ຕ້ອງຟ້າວຕອບແບບລົນລານ. ສາມາດເວົ້າໄດ້ວ່າ: "ເປັນຄຳຖາມທີ່ໜ້າສົນໃຈຫຼາຍ, ຂໍເວລາຂ້າພະເຈົ້າຄິດທົບທວນຈັກໜ້ອຍໜຶ່ງເດີ."

ຖາມເພື່ອຄວາມຊັດເຈນ: ຖ້າບໍ່ເຂົ້າໃຈເຈດຕະນາຂອງຄຳຖາມ, ໃຫ້ຖາມຄືນ: "ຂໍອະນຸຍາດຖາມຕື່ມ, ທ່ານໝາຍເຖິງກໍລະນີ (X) ຫຼື ພາບລວມຂອງ (Y) ນໍ?"

ຫຼັກການ: ຍອມຮັບຢ່າງຊື່ສັດ ແຕ່ສະແດງຄວາມພ້ອມທີ່ຈະຮຽນຮູ້ ແລະ ວິທີການຊອກຫາຄຳຕອບ.

ຮູບແບບການຕອບ: "ສຳລັບເລື່ອງນີ້ ຂ້າພະເຈົ້າຍັງບໍ່ທັນມີປະສົບການໂດຍກົງ, ແຕ່ຖ້າຕ້ອງແກ້ໄຂບັນຫານີ້ ຂ້າພະເຈົ້າຈະເລີ່ມຈາກການສຶກສາຂໍ້ມູນຈາກ [ແຫຼ່ງຂໍ້ມູນ/ທີມງານ] ແລະ ນຳໃຊ້ຫຼັກການ [ທັກສະທີ່ເຈົ້າມີ] ມາປັບໃຊ້. ຂ້າພະເຈົ້າພ້ອມທີ່ຈະຮຽນຮູ້ສິ່ງນີ້ຕື່ມແນ່ນອນ."

ຫຼັກການ: HR ບໍ່ໄດ້ຕ້ອງການຄຳຕອບທີ່ຖືກເປະ 100% ແຕ່ຢາກເຫັນ ຂະບວນການຄິດ (Logic).

ຮູບແບບການຕອບ: "ເຖິງວ່າຍັງບໍ່ເຄີຍພົບສະຖານະການນີ້ໂດຍກົງ, ແຕ່ຖ້າເກີດຂຶ້ນກັບຂ້າພະເຈົ້າ, ຂັ້ນຕອນທຳອິດແມ່ນຈະວິເຄາະຫາສາເຫດຕົ້ນຕໍກ່ອນ, ຫຼັງຈາກນັ້ນຈະປຶກສາທີມເພື່ອວາງແຜນຮັບມື..."

ຫຼັກການ: ເຊື່ອມໂຍງໄປຫາທັກສະທີ່ໃກ້ຄຽງ (Transferable skills).

ຮູບແບບການຕອບ: "ຂ້າພະເຈົ້າຍັງບໍ່ເຄີຍເຮັດວຽກສ່ວນນີ້ໂດຍກົງ, ແຕ່ເຄີຍເຮັດໂຄງການ [ຍົກຕົວຢ່າງວຽກເກົ່າ] ເຊິ່ງໃຊ້ທັກສະການປະສານງານ ແລະ ການແກ້ໄຂບັນຫາສະເພາະໜ້າຄ້າຍຄືກັນ ຈຶ່ງໝັ້ນໃຈວ່າຈະສາມາດປັບໃຊ້ກັບວຽກນີ້ໄດ້ໄວ."

ຢ່າແຖ ຫຼື ຕົວະ: HR ທີ່ມີປະສົບການຈະຮູ້ທັນທີ ແລະ ຖ້າຖາມເຈາະເລິກເຈົ້າຈະຕັນ.

ຢ່າເວົ້າພຽງແຕ່ "ບໍ່ຮູ້" ແລ້ວມິດງຽບ: ຕ້ອງມີປະໂຫຍກຕໍ່ທ້າຍສະເໝີ ເພື່ອສະແດງໃຫ້ເຫັນທັດສະນະຄະຕິທີ່ດີ.

ຢ່າສະແດງອາການຕົກໃຈຈົນເສຍຄວາມໝັ້ນໃຈ: ຍິ້ມຮັບ ແລະ ຕອບດ້ວຍນ້ຳສຽງທີ່ໜັກແໜ້ນ.